Kuchh to duniya ki inaayaat ne dil tod diya
Aur kuchh talkhi-e-haalaat ne dil tod diya.
Hum to samjhe the ki barsaat mein barsegi sharab
Aayi barsaat to barsaat ne dil tod diya.
Dil to rota rahe aur aaNkh se aaNsu na baheN
Ishq ki aisi ravayaat ne dil tod diya.
Wo mere haiN, mujhe mil jayeNge, aa jayeNge
Aise bekar khyalaat ne dil tod diya.
Aap ko pyar hai mujhse ki nahiN hai mujhse
Jane kyoN aise sawaalat ne dil tod diya.
SUDARSHAN FAKIR
