Tumhare samnay....#D

Aur kia kerta bayan ghum tumhare samne

Meri ankhain ho gai purnum tumhare samne

Hum judai main tumhari mar bhi sakte hain magr

Chahte ye hain k nikle dum tumhare sane

Jisme hum dono k bachpan ki bhi aik tasveer hay

Dhond ker laya hon..wo album tumhare samne

Atay, atay lab per reh jati hain ...dil ki hasratain

Kholte hain hum zuban kam , kam tumhare samne

Tum samunder ki terha agoosh waa kertay nahi

Hum to ban jate hain mojay yum tumhare samne

Kis liye tum neend main sharma rahe ho is terha

Khuwab main kia agaye thay, Hum tumhare samne

Khulasaa e dil.....

Yaad rakho gay aisa tohfa bhejon gi

Apni ankh ka behta darya bhejon gi

Meri ankh main hijr samander behta hay

Paas rahogay phir bhi piyasa bhejon gi

Daman main khairat sambhalay rakhna tum

Main tumko is bar bhi kaasa bhejon gi

Tum pardais se wapis bhi a sakte ho

Tumko pyar bhara sandaisa bhejon gi

Kaash tumhari ankh se jal thal ho jaye

Dhoop ka jangal , durd ka sehra bhejon gi

Khat may ansoo kuch tasveerain meri hain

Bheegi ankhain bheega chehra bhejon gi

Fari kese pyar ho gaya aik larkay se

Chahat se bharpur khulasa bhejon gi...

Poet ..... Farida Fari