Yaad rakho gay aisa tohfa bhejon gi
Apni ankh ka behta darya bhejon gi
Meri ankh main hijr samander behta hay
Paas rahogay phir bhi piyasa bhejon gi
Daman main khairat sambhalay rakhna tum
Main tumko is bar bhi kaasa bhejon gi
Tum pardais se wapis bhi a sakte ho
Tumko pyar bhara sandaisa bhejon gi
Kaash tumhari ankh se jal thal ho jaye
Dhoop ka jangal , durd ka sehra bhejon gi
Khat may ansoo kuch tasveerain meri hain
Bheegi ankhain bheega chehra bhejon gi
Fari kese pyar ho gaya aik larkay se
Chahat se bharpur khulasa bhejon gi...
Poet ..... Farida Fari
