khayal-e-khaam hi to reh gaya hay,
wafaa ka naam hi to reh gaya hay
zara dekho to apni loh-e-dil pr....
hamara naam hi to reh gaya hay
kisi din bhool jaoN ga usy bhi,
k bas ye kaam hi to reh gaya hay
Taaluq ham meiN tum meiN kis qadar tha,
bara'ye naam hi to reh gaya hay
khirad ki raah se dasht-e-junuN tak,
safar do gaam hi to reh gaya hay...
gila kyuN kr kreN ham qissa-go se...
k sirf anjaam hi to reh gaya hay
hua hay is se ziada kya k Faizan,
koi gumnaam hi to reh gaya hay...
