Dil k Qanoon...

Apna mizaj e kaar badalne nahi diya

Dil ne koi nizam bhi chalne nahi diya

Ae maah taab e husn hamara kamal dekh

Tujhko kisi bhi rang main dhalne nahi diya

Nazron se apni aap he girtay gaye hum

Ae ishq tu ne humko sambhalne nahi diya

Thori si wazaah dari thi to is dil k wastay

Tu ne tou is dil main wahem bhi palne nahi diya

Tehzeeb apni ki hay mohabat nay SAAD youn

Is dil ko humne had se nikalne nahi diya

(Saad Ullah Shah)

Kon tha....?

Be khawab lamhon ka paristaar kon tha

Itni udas raat main bay daar kon tha

Kis ko ye fiker thi k mohabat main kiya howa

Hum is per lar rahay thay k wafa daar kon tha

so (100) kishtiyaan jala k chalay sahilon se hamain

Ab tumko kia batain k us paar kon tha

Ye faisla to shayad waqt bhi na ker sakay

Sach bolta kon tha, Adaa kaar kon tha

Zamanay guzr gaye hain ye sochte howe

Main kisko kahon APNA, Mera gham khaawar kon hay

Tera Ishq....

Kia kahin kashaf o karamat main rakha howa hay

Ya tera ishq manajaat main rakha howa hay

Mujtahid! Ishq ki tafseer jo mumkin he nahi

Kis liye phir isay Ayaat main rakha howa hay

"Aen mumkin tha teray hath se jata rehta

Tu ne Acha kiya auqaat main rakha howa hay "

Kiya tamasha hay koi ishq thama ker sahab

Roz ik hijr meri ghaat main rakha howa hay

Main tou darya k safar k liye mozun bhi nahi

Tu ne sehra bhi meray hath main rakha howa hay

Dar sa rehta hay kahin toot na jaye MEESUM

Ye jo ik hubs mri zaat main rakha howa hay

(Poet :Meesum Ali Agha)

Mohabat ....

Wo durd ko ankhon se guzarne nahi deta

Sailab tou de deta hay, jharne nahi deta

Rehta tou hay ankhon main wo aaina baraber

Jab mujhko sanwarna ho, sanwarnay nahi deta

Khud toot k bikhron tou bikhar jaon bala se

Main durd ki dolat tou bikharne nahi deta

Phir mujhko utha deta hay daman ki hawa hay

Marne ka irada ho tou marnay nahi deta

Main us k dil e sakht main ghar kesay karon ga

Wo apni gali se bhi guzarne nahi deta

Main maail inkaar tou ho jata hon duniya

Dil mujhko mohabat se mukarne nahi deta

Yaad...

Jhunjhulaye hain, Lajaey hain, phir muskuraye hain

Is aehtamam se unhain hum yaad aye hain

Ab ja k aah kernay k adaab aye hain

Duniya samajh rahi hay k hum muskuraye hain

Guzare hain meh kady se jo toba k bad hum

Kuch dore aadat'tun bhi qadam larkharaye hain

Ab joo e garya,,, dekh , na kerna khajul mujhay

Ankhain teri zaroor hain, ansoo paraye hain

Ae moat,Ae baahisht e sakoon khush amdeed

Hum zindagi may pehle pehel muskuraye hain

Insaan jeete jee karain toba khata'on se

Majboriyon ne kitnay farishtay banaye hain

Malal....

Bichertay howay usay koi malal tou hota

Ujer gaya hay koi ye khayal tou hota

Kisi sabab, kisi nisbat kisi talluq say

Nigah e yaar main koi sawal tou hota

Wo bewafa tou nahi magar phir bhi bewafai main

Jahan main koi bhi uski misal tou hota

Main pai'maal howa jis terha say mohabat main

Kuch is terha se koi Pai'maal to hota

Main uski raah main anakhain bicha tou don

Wo loat ayega ye ehtimaal tou hota

Maumlat e junoon k siwa SHUBI tumko

Kisi hunr, kisi fun main kamal tou hota...

Shubi Farooqui...poet

Nahi rahay....

Kitni badal chuki hay rut, jazbay bhi wo nahi rahay

Dil pay teray firaq k sadmay bhi wo nahi rahay

Mehfil e shab main guftugu howi tou ye khula

Batain bhi wo nahi rahin, lehjay bhi wo nahi rahay

Hulye badal k rakh diye shab e firaq nay

Anhain bhi wo nahi rahin, chehray bhi wo nahi rahay

Ye bhi howa k tere bad shauq e safar nahi raha

Jin pay bichay howay thay dil, raste bhi wo nahi rahay

Barson bad....

Sokhay hont, sulaghti ankhain, sarson jesa rang

Barson bad wo dekh ker mujhko reh jaye ga dung

Maazi ka wo lamha mujhko ajj bhi khoon rulaye ga

Ukhri ukhri sansain uski , gairon jesay dhung

Dil ko tou pehle he durd ki demak chat gai thi

Rooh ko bhi ab khataa jaye, tanhai ka zung

Inhe k sadqay Yarub meri mushkil asan kerde

Mere jesay aur bhi hain jo dil k hathon tang

Kyoon na ab apni choriyon ko kirchi kirchi ker dalon

Dekhi ajj aik sunder nari piyari piya k sang

Shabnam koi tujhse harey, jeet pay maan na kerna

Jeet wo hogi jab jeeto gi apnay ap se jang....

Bahana....

Thakun tou agle safar k liye bahana tha

Usay tou youn bhi kisi aur simat jana tha

Wahi chiragh bujha jiski loo qayamat thi

Usi pay zarb pari jo shajer purana tha

Matah e jaan ka badal aik paal ki sarshari

Salook khawab ka ankhon se tajirana tha

Hawa ki kaat shagoofon nay jazb kerli thi

Tabhi tou lehja e khushboo bhi jar e hana tha

Wohi firaq ki batain, wohi hiqayat e visl

Nai kitab ka aik ek warq purana tha

Kabaa e zer nigar khizan pay sajti thi

Tabhi tou chal ka andaz khusro'ana tha

Roag....

Roag aise bhi gham e yaar se lag jate hain 

Der se uthte hain tou devar se lag jate hain

Kat'ra'nain gham ki jo galiyon main uri phirti hain

Ghar main lay ao to anbaar se lag jate hain

Ishq aaghaz main halki se khalish rakhta hay

Bad me sainkaron aa'zaar se lag jate hain

Be'basi bhi kabhi qurbat ka sabab banti hay

Ro na paen to galay yaar k lag jate hain

Daagh daman k hon, dil k hon k chehre k Faraz

Kuch nishaan umr ki raftar se lag jate hain

Sur taal....

Saaz o awaz khad o khal main ajate hain

Saans leta hon to sur taal main ajate hain

Jang aur ishq main hare howay logon ki terha

Hum ghanimat k kisi mal main ajate hain

Zindagi khawab hay aur khawab ki qeemat lene

Jin ko ana ho kisi haal main ajate hain

Tu bhi saada hay kabhi chaal badalta he nahi

Hum bhi daa'nista tere chaal main ajate hain

Sham dhalte he kisi gosha e virani main 

Hum parindon ki terha jaal main ajate hain

Ab kis se kahain...?

Ab kis se kahain aur kon sunay jo haal tumhare baad howa

Is jheel se gehri ankhon main ik khawab bohat barbad howa

Ye hijr howa bhi dushman hay is naam k sare rangon ki

Wo naam jo mere honton per khushboo ki terha abaad howa

Is sheher k kitne chehre thay kuch yaad nahi sub bhoool gaye

Ik shaks kitabon jesa tha wo shaks zubani yaad howa

Wo apne gaon ki galiyan thin dil jin pe nachta gata tha

Ab is se farq nahi perta, na'shaad howa ya shaad howa

Be'nam sata'ish rehti thi in gehri sanwili ankhon main

Aisa tou kabhi socha bhi na tha dil ab jitna be'daad howa

Maine apne saath bhi waqt guzari ki....

Din bhar khaak urai shab bedari ki

Mujhme aik chiragh ne matam dari ki

Tera shikwa sir ankhon per laikin yaar

MAINE APNE SAATH BHI WAQT GUZARI KI....

Dil k saathhe rakhi hay duniya bhi

Adha ishq aur adhi duniya dari ki

"""Rooh kisi ko , jism kisi ko sonp gaya

Waqt ne meray saath bari funkari ki"""

Meray aeb na dekh, meray kirdaar ko choro 

Maine tere saath kabhi gadaari ki????

Noohay perhne walay mujhko bhool gaye

Maine khud se khud he pursaa daari ki

Dedicated to me....

Dil ki baat...

Dil ki baat labon per la ker ab tak hum dukh sehte rahay

Humne suna tha is basti main dil wale bhi rehtay hain

Beet gaya sawan ka mahena, mausam ne nigaah badlin

Laikin in pyasi ankhon se ab tak ansoo behtay hain

Aik humain awara kehna koi bara ilzam nahi

Duniya wale dil walon ko aur bohat kuch kehtay hain

Jinki khatir sheher bhi chora, jin k liye badnam howe

Ajj wohi humse beganay beganay se rehtay hain

Wo jo bhi is raah guzr se chak garaibaan guzra tha

Is awara , dewane ko jalib jalib kehtay hain....

Pyar k nishan....

Sare khayal mit gaye sare malal dho diye

Usne to mere pyar k sare nishan kho diye

Kuch mausamon ka zaum tha kuch tha garur e zabt bhi 

Tere firaq main magar hum ansoonon se ro diye

Mudat ki arzoo k bad wo sab mile to youn mile

Kuch be rukhi k beej thay jo kasht e jan main bo diye

Kitna badal gaya hay wo, lehja he uska dekh lo

taney naye naye diye, nishter kai choboh diye

Aainge jab na ajj wo kesa chiragan ajj shab

roshan hain jinse baam o der sare utar do diye...

Uzer....

Khushi ki baat nahi hay koi fasanay main 

Qagarna uzer na tha aap ko sunanay main

Ye muntashir se ujalay, ye zindagi,ye sakoot

Tumhain pukar k aye hain ik zamanay main

Chaman se dor thay laikin bahaar e saman thay

Kuch aise phool bhi paida howe zamanay main

Zaroor dhokay main manzil se dor aa pohancha

jhijak raha hay bohat rehbar batanay se

Shakeeb meri khushi se kabhi jo khush na howe

Mujhay saroor mila un k muskuranay se