Mere tashnagi ka khayal kar

Mere tashnagi ka khayal kar main udaas hon mujhay dekh ja

Mere bebasi ka malal kar, main udaas hon mujhay dekh ja

Main tere khayal k dasht main sabhi raston se guzar gaya

Tu mere gham ka khayal kar, main udaas hon mujhay dekh ja

Ye tere sitam, ye tere karam, na mujhay or zauq-e-junoon de

Mera chalna yun na muhaal kar, main udaas hon mujhay dekh ja

Mera zard chehra hai kis lye, Ye makaan ujra hai kis lye

Na tu mujh se aise sawal kar, Main udass hon mujhay dekh ja

Saaf jab tak na tere zehen k jalae hon gay

Saaf jab tak na tere zehen k jalae hon gay

Kese tehreer mohabbat k maqalay hon gay

Kya humain neend bhi aaye gi teri khuwahish par

Kya faqat khwab hi hum dekhne walay hon gay

Is tarah dasht_e_mohabbat se guzar jaon ga

Jism zakhmi na mere paon main chaale hon gay

Kese ho gi meri chaht ki amanat mehfooz

Us ne ab tk mere khat kese sambhale hon gay

Ghar k andr bhi koi mujh pe tawajjah deta

Ghar k bahir to kayi chahne wale hon gay

Jab masihaai ki tareekh likhi jaye gi

Us mai shamil mere zakhmon k hawale hon gay

Hamari tarah koi dusra hua bhi nahi

Hamari tarah koi dusra hua bhi nahi

Wo dard dil main rakha hai jo ladawa bhi nahi

Ussi ko dekhti rehti hain chashm-e-shokh madam

Jo gham abhi sar-e-shakh-e-alam khila bhi nahi

Hamara dard ajab marhale main hai k jahan

Wo besukhan bhi nahi, or lab kusha bhi nahi

Junoon-e-ishq ya zanjeer-e-gham samhale rakh

Jo ye nahi, to aaghaz-e-aashna bhi nahi

Idher dua ki sama’aton ka riwayati asmaan bhi chup

Idher dua ki sama’aton ka riwayati asmaan bhi chup

Idher sisakte hue labon ka barhana, tarz-e-bayaan bhi chup

Na jaane kin khuwahishon ki shiddat ka shor kamre main gonjta tha

Na jaane kya keh gaye hawa, hogaya khali makaan bhi chup

Naye ruton ne hawa ki ru se na jaane kya saaz baaz karli

K sabz sadiyun se goonjti arahi nida-e-azaan bhi chup

Kahin koi sar phiri nida parda samaat bhi noch dale

Magar kahin dasht-e-samaat se ehtajaji zubaan bhi chup

Pukarta tha panah le le koi bhi saye main mere “Aazar”

Thi dhoop aise hamare sar pe k hogaya sayebaan bhi chup

Parho Ge Khat Kabhi Mery

Parho Ge Khat Kabhi Mery Kabhi Tasveer Dekho Ge

Kabhi Haathon Mein Jo Likhi Hai Wo Tehreer Dekho Ge

Likho Ge Kuch Hatheli Par Parho Ge Kuch Kitabon Mein

Nazar Aayen Ge Hum Tum Ko Sawalon Mein Jawabon Mein

Kabhi Aansu Bahao Ge Kabhi Tum Muskurao Ge

Kisi Se Kuch Kaho Ge Tum Kisi Sy Kuch Chupao Ge

Kabhi Khamosh Betho Ge Kabhi Kuch Gungnao Ge

Hum Utna Yaad Aayen Ge Humen Jitna Bhulao Ge

Yun lagta hai

Yun lagta hai usne mujhe kuch yun dua di hai

Jese kanton main Khuda ne pholon ko panah di hai

Yun aawaz di thi usne bicharte waqt mujhe

Sehra main jese kisi musafir ne sada di hai

Dekh kar qismat ko yun lagta hai ab mujhe

Muqadar ne jese kahin bewaja saza di hai

Ghalat hai agr dunya main kisi ko chahna yaron

To zindagi main hum ne bohat bari khata ki hai

Loutna mumkin nahi ab yahan se kabhi

K kisi ki khatir main ne apni hasti bhula di hai

Koi dhunla sa ik chehra

Koi dhunla sa ik chehra mere ankhon main rehta hai

Koi bhatka sa ik jugno mere khuabon main rehta hai

Aik manoos se awaaz mujhay sone nahi deti

Koi uljha sa ik jumla mere baton main rehta hai

Hai kis k shabnami anchal ki khusbu ab talak mujh main

Koi ehsaas mehka sa mere sanson main rehta hai

Mujhay khud per nahi kabu na main kuch bol sakta hon

Asar ye kis k lafzon ka mere baton main rehta hai

February ki khushk raten mujhay beechen rakhti hain

Lams ik hath ka ab tak mere sochon main rehta hai

Hia dil bhi muztarib ehsaas bhi sochon ki uljhan bhi

Yeh kis ki ankh ka aasnso mere ankhon main rehta hai