Jo libas tujh ko pasand ho main usi libas main aaon ga..

Na yaqeen wajood pey kar ker, na rida e yaas main aaon ga

Jo libas tujh ko pasand ho main usi libas main aaon ga

Mujhey raygaan na talash ker, main safar men tha, main safar men hoon

Kabhi noor-e-harf ki raah sey dil e khudshanaas main aaon ga

Tu hey ajnabi meri zaat sey kabhi pooch kerb ki raat sey

Main nehaan hoon maoj-e-farat sey,main nazar to piyas main aaon ga

Mujhey doosron sey talab na ker mujhey khud sey mang key dekhna

Main barang-e-aks e gohar numa kaf-e-iltamas main aaon ga

Meari justjoo ney jo dam lia, meray bekaraan ney kaha mujhey

Keh main aagahi sey hoon mawara na had-e-hawaas main aaon ga

Mujhey ab tu shok sey bhool ja, yeh naz kam to nahin keh main

Teri chahton ki kitab key kisi iqtabas main aaon ga

Kabhi mujh ko MOHSIN naey dinon ki tapash men dhonday ga wo kahin

Kabhi yad us ko gaey dinon key safar ki baas main aaon ga

Teray Liye Hontoon Par Dua Kyun Nahe Aati..??

Bichray Howey Yaroon Ki Sadaa Kyun Nahe Aati..??

Ab Roozn-e-Zindaa'n Say Hawa Kyun Nahe Aati..??

Tu Ab Bhi Salamat Hay Safar Mein Toa Musafir...!!

Teray Leye Hontoon Par Dua Kyun Nahe Aati..??

Pathar Hoo Toa Kyun Khoof-e-Shab-e-Gham Say Ho Larzaa'n..??

Insaan Hoo Toa Jeenay Ki Aadaa Kyun Nahe Aati..??

Ek Pairr Kay Saaye Say Hawa Pooch Rahi Hay...!!

Ab Dasht mein Makhlooq -e -Khuda Kyun Nahe Aati..??

Chehroon Peh Woh Sarsoon Ki Dhanak Kya Howi Yaroo..!!

Hathoon Say woh Khushboo-e-Hina Kyun Nahe Aati...??

Bastii Mein Sabhi Log Salamath Hein Toa Mohsin ...!!

Awaaz Koi Apnay Siwa Kyun Nahe Aati....??

Mohsin Naqvi

Ishq Chupta Nahin Chupanay Say.....

Ishq Chupta Nahin Chupanay Say

Tera Ashiq Hoon Main Zamanay Say

Rok Na Mujh Ko Pass Anay Say

Tera Ashiq Hoon Main Zamanay Say

Ab Mujhay Chorr Kay Na Jana Tum

Dil Mera Torr Kay Na Jana Tum

Tum Tu Aaye Ho Zamanay Say

Kho Na Jana Kisi Bahanay Say

Jaan Jatay Hay Teray Janay Say

Tera Ashiq Hoon Main Zamanay Say

Ishq Chupta Nahin Zamanay Say

Tera Ashiq Hoon Main Zamanay Say

Meray Mehbob Kiya Tumhay Hay Khabar

Har Jaga Tum Ko "Dhoondti Hay Nazar"

Dekh Kay Tum Ko Jeeta Marta Hoon

Har Ghari Yaad Tum Ko Karta Hoon

Bhool Sakta Nahi Bholanay Say

Tera Ashiq Hoon Main Zamanay Say

Ishq Chupta Nahin Chupanay Say

Tera Ashiq Hoon Main Zamanay Say

Apnay Haathon Say Yon Chehray Ko Chupatay Kyun Ho ?

Apnay Haathon Say Yon Chehray Ko chupatay Kyun Ho

Mujh Say Sharmatay Ho Tu Saamnay Aatay Kyun Ho

Tum Kabhi Meri Tarah Kar Bhi Lo Iqraar -e- Wafa

Pyaar Kartay Ho Tu Pher, Pyaar Chupatay Kyun Ho.

Ashq Aankhon Main Meray Dekh Kay Rotay Kyun Ho

Dil Bhar Aata Hay Tu Pher Dil Dukhatay Kyun Ho

In Say Vabasta Hay Jab Mera Muqaddar Phir Tum

Meray Shano Say Ye Zulf Hatatay Kyun Ho

Roz Mar Mar Kay Mujhay Jeenay Ko Kehtay Ho

Milnay Aatay Ho Tu Phir Lout Kay Jatay Kyun Ho

Suno! Yeh Aankhon Main Udaasi Kesi .....

Suno! Yeh Aankhon Main Udaasi Kesi

Yeh Honton Pay Muskaan Kesi

Tanha Akeli Kaha Ghum Ho Tum

Kin Udasiyon Ko Dil Mai Basai Hoi Ho Tum

Lagta Hay Yon Kuch Kho Gaya Hain

Jisey Yoon Dhoond Rahi Ho Tum

Is Ghum Ko Bhula Do Tum

In Tanhyion Ko Rafa Ker Do Tum

Yaad Kero Apnay KHUDA Ko Tum

Yaqeen Aur Aitamaad Rekho Usi Per Tum

Muraday Pori Karnay Wala Hay Bas Ak Wohi

Khushyan Or Muskurahatey Mang Lo Usi Say Tum

Aao Mera Haath Tham Lo Tum

Tanhaii Ko Chorr Ker Zindagi Ko Apna Lo Tum

Ab Thak Say Gaye Hain Hum Wafa Kartay Kartay .....

Ab Thak Say Gaye Hain Hum Wafa Kartay Kartay

Woh Haaray Nahi Hain Jafa Kartay Kartay

Hum Tang Aa Gaye Hain Unhain Mana Mana Kar

Woh Thakay Nahi Hain Khafa Kartay Kartay

Uthaye Jo Hath Dua Kay Liye Tu Ruk Giya

Ek Arsa Ho Giya Hai Khata Kartay Kartay

lagta hai keh mosam k ishaaray nahi achay...

kehta hi raha tujhse keh piyary nahi achay

her waqt yeh palkon pe sitare nahi achay

us roz se mosam bhi bohat talkh huwa hai

jis roz se taiwar yeh tumaray nahi achay

un hi se to abaad hai yeh shehar-e-muhabbat

kehte ho jinhain dard k maaray nahi achay

is shehar mein tera bhi koi jurm to hoga

ilzaam meri zaat pe saaray nahi achay

aise to parindon ki yeh hijrat nahi hai

lagta hai keh mosam k ishaaray nahi achay

ishq mein behta hai jo darya ba darya, kon hai...

ishq mein behta hai jo darya ba darya, kon hai

ham bhi dekhein, dard k sehara mein aisa kon hai

aik lamha hi guzar jaaye kaheen tere baghair

dil ko samjhaya to hai, lekin samjhta kon hai

meri be-aawaaz tanhaai bataaye kiya mujhe

shehar mein hai jis ki khaatir shor barpaa, kon hai

sar pe yeh jaltay huwe suraj ko andaazaa nahi

bay-talab is dasht mein ghar se nikalta kon hai

kho gayee hai waqt ki lehron mein sachaii to kiya

waqt hi khud faisla kerta hai, sacha kon hai

aik se is shehar mein hain aashna na aashna

kiya bataain tujh ko meri jaan keh kaisa kon hai

din ka suraj kiya uthaayega meri raaton ka gham

aur phir khalid kisi ka bohj uthaata kon hai

Merii Nigaahon kay Aaenay meiN, haiN Naqsh ab tak wisaaL Lamhay

Merii Nigaahon kay Aaenay meiN, haiN Naqsh ab tak wisaaL Lamhay

Yehi Mataa-e-Hayaat haiN aur yehi haiN HaasiL kamaaL Lamhay

yeh Zindagi kay Niraalay Mosam humain to ab tak samajh na aaey

jo yaad-gaar-e-Hayaat thehrey they ab tak wuhi wabaaL Lamhay

Tumhara kya hay keh tum tou Rastay badaL ke bilkul sakoon say ho

Humain tou masmaar kar gaey haiN Judaai kay yeh NidhaaL Lamhay

Humain bhala kab khabaR thi JanaN,humain bhaLa kab pata tha JanaaN

Jo maat kar day gii apnaa JeewaN, chalain gay aesii bhii chaaL Lamhay

Humain to apna aap bhii ab shifaaF dikhtaa nahiN hay Logo

Humari AankhoN meiN bhar gaey haiN yeh kesi Gard-e-malaaL Lamhay

Meri Aankhon Main Ummad Aaya Hai Darya Dil Ka...

meri aankhon main ummad aaya hai darya dil ka

phir kahin toot gaya ho na kinara dil ka

bus muhabbat se riwayat hai kahani dil ki

chaar harfon se ibarat hai fasana dil ka

us ne dali hi nahin bheek nazar kee aur main

liay aankhon main kharra reh gaya kaasa dil ka

saans rukti hai tau phir jaan ka khayal aata hai

dil dharakta hai tau lag jata hai dharka dil ka

issi koshish main buhat umar ganwa di main ne

phir bhi poora na huwa mujh se khasaara dil ka

meri payaab tamanna’in batati hain mujhay

sookh jaye ga koi roz main darya dil ka

badli badli si sada deti hai dharkan dil ki

hijr main aur hi ho jata hai lehja dil ka

kiyun na aye dost abhi tark-e muhabbat kar lain

iss se pehlay ke badal jaye iraada dil ka

fikr-e-dunya main mere dil ko bhulanay walay

teri dunya se ziada hai asaasa dil ka

us ki ankhon ne kaha chupke se, khul ja sim sim

khul gaya ain ussi waqt dareecha dil ka

ishq katay ga abhi aur chatanain "sagar"

aqal dekhi gi abhi aur tamasha dil ka

Teri Jabeen Pe Likha Tha Ke To Bhula De Ga...

Teri Jabeen Pe Likha Tha Ke To Bhula De Ga

So Main Bhi Bhanp Gaya Tha Ke To Bhula De Ga

Har Ek Shaks Se Larta Raha Main Tere Liye

Har Ek Ne Mujhse Kaha Tha Ke To Bhula De Ga

Ye Teri Aankon Pe Halke Se Par Gaye Kese

Mujhy To, To Ne Kaha Tha Ke To Bhula De Ga

Nikaal Laya Hay Ilzaam Phir Purane To

Ye Hum Ne Te Bhi Kiya Tha Ke To Bhula De Ga

Kuch Is Liye Bhi Ke Til Tha Teri Ankhon Main

Mujhy To Tab Bhi Pata Tha To Bhula De Ga

Jo Nazar Se Door Nikal Giya,Usay Yaad Karta Hay Har Koi...

Sar e taq e jaan Na Chiragh Hai,Pas-e-bam-e-shab Na Sahar Koi,

Ujab Ek Arsa-e-daraz Hai,Na Guman Hai Na Khabar Koi

Nahin Aab To Koi Malal Bhi,Kisi Wapsi Ka Khiyal Bhi

Gham-e-baikasi Ne Mita Diya,Meray Dil Main Tha Bhi Aagar Koi

Tujhay Kia Khabar Ke Raat Bhar,Tujhay Daikh Paanay Ko Ek Nazar

Raha Sath Chand Kay Muntazar,Teri Khidkion Ke Udhar Koi

Sar-e-shakh-e-jan Teray Naam Ka,Ujab Ek Taza Gulab Tha

Jisay Aandhi’on Se Khatar Na Tha Jisay Tha Khizan Ka Na Der Koi

Teri Bairukhi Kay Diyar Main,Ghani Tairgi Ke Hisar Main,

Jalay Kis Tarah Se Chiragh e jan,Karay Kis Taraf Ko Safar Koi

Katay Waqt Chahay Aazab Main,Kisi Khuaab Main, Ya Sarab Main

Jo Nazar Se Door Nikal Giya,Usay Yaad Karta Hay Har Koi

Sar-e-bazm Jitnay Chiragh Thay,Woh Tamam Ramz Shanas Thay

Teri Chashm-e-khush Ke Lihaz Se,Nahin Boolta Tha Magar Koi

Chehra Mera Tha Nigaheen Us Ki .....

Chehra Mera Tha Nigaheen Us Ki

Khamoshi Main Bhi Wo Baatein Us Ki

Meray Chehray Pay Ghazal Likhti Gaii

Sher Kehti Hoii Aankhain Us Ki

Shokh Lamhon Ka Pata Denay Lagi

Taiz Hoti Hoii Saansay Us Ki

Aisay Mousam Bhi Guzara Hum Nay

Subahain Apni Thi Shamay Us Ki

Dehaan Main Us Kay Yeh Aalam Tha Kabhi

Aankhay Mahataab Ki Yaaday Us Ki

Feslay Mouj -e- Hawa Nay Likhay

Aandhiyaan Meri Baharay Us Ki

Neend Is Soch Say Tooti Akser

Kis Tarah Kaati Hain Raatain Us Ki

Dorr Reh Kar Bhi Sada Rehti Hain

Mujh Ko Thamay Howay Bahain Us Ki

Reh Reh Ker Ro Padegi.. Jab Jab Usko Khayal Mera Aaya Hoga..

Aaj Dulhan Ke Laal Jode Mein..

Use Uski Saheliyon Ney Sajaya Hoga..

Meri Jaan Ke Gore Haathon Par..

Sakhiyon Ney Mehndi Ko Lagaya Hoga..

Boht Gehra Chadega Mehndi Ka Rang..

Us Mehndi Main Usney Mera Naam Chupaya Hoga..

Reh Reh Ker Ro Padegi..

Jab Jab Usko Khayal Mera Aaya Hoga..

Khud Ko Dekhgi Jab Aaine Main..

To Aks Usko Mera Bhi Nazar Aaya Hoga..

Lag Rahi Hogi Balaa Si Sunder Woh..

Aaj Dekh Ker Usko Chaand Bhi Sharmaya Hoga..

Aaj Meri Jaan Ney..

Apne Maa Baap Ki Izzat Ko Bachaya Hoga..

Usney Beti Hone Ka..

Dosto Aaj Har Farz Nibhaya Hoga..

Majboor Hogi Woh Sabsey Zyada..

Sochta Hoon Kis Tarah Usney Khud Ko Samjhaya Hoga..

Apne Haathon Say Usney..

Mere Khaaton Ko Jalaya Hoga..

Khud Ko Mazboot Bana Ker Usney..

Apne Dil Say Meri Yaadon Ko Mitaya Hoga..

Bhooki Hogi Woh Jaanta Hoon Main..

Kuch Na Us Pagli Ney Mere Bageir Khaya Hoga..

Ro Ro Ke Bura Haal Ho Jaayega Uska..

Jab Waqt Usski Bidayi Ka Aaya Hoga..

Bade Pyaar Say Meri Jaan Ko..

Maa Baap Ney Doli Main Bithaya Hoga..

Ro Padegi Aatma Bhi..

Dil Bhi Cheekha or Chilaya Hoga…

Aaj Apney Maa Baap Ke Liye..

Usney Gala Apni Khushiyon Ka Dabaya Hoga..

Reh Na Paayegi Juda Hoker Mujhse..

Der Hai K Zehar Chupke Say Us ney Khaya Hoga…

Gareeb e shehar e sitam hun...

Nahi k milnay milaanay ka silsilah rakhna

kissi bhi satah peh koe toh raabta rakhna

marrayngay log humaray siwa Tum pe bohat

yeh jurm hay toh iss jurm ki saza rakhna

madad ki Tum se khayr tawaqo kiya hogi

ghareeb e shehar e sitam hun , Mera pata rakhna

bas Ayk Shaam Humayn chaahiye, na puchna kiyun

yeh baat kissi aur Shaam par utha rakhna

naye safar pe rawana huwa hon az sar e nau

jab aounga toh mera naam bhi neya rakhna

Faseel e shauq uthana , Zafar zarur magar

kisi taraf se nikalnay ka raasta rakhna

kidhar say ho kay bahaaroN kay kaarwaaN guzray?

Chaman ka haal to yeh hay keh khaak urrti hay

kidhar say ho kay bahaaroN kay kaarwaaN guzray

dayaar-e-yaar ka saara safar anokha tha

qadam, qadam pay naya day kay imtehaaN guzrey

saba bhi aai to phooloN kay muNh jhulsa kay gai

yahaaN say abr bhi barsaa kay bijliyaaN guzray

kabhi to waar raqeeboN kay day gaey thay mazaa

kabhi to pyar azeezoN kay bhi giraaN guzray

ay dil sambhal keh kisi ko hisaab daina hay

keh zindagaani kay lamhey kahaN, kahaN guzray

Is DIL Nay Teray Baad Mohabbat Bhi Nahi Ki ...

Is DIL Nay Teray Baad Mohabbat Bhi Nahi Ki

Hadd Ye Keh Dharaknay Ki Jasarat Bhi Nahi Ki

Tabeer Ka Ahzaaz Howa Hay Usay Hasil

Jis Nay Meray Khowabon Main Sharakat Bhi Nahi Ki

Ulfat Tu Bari Baat Hay Hum Say Tu Sar -e- Shehar

Logon Nay Kabhi Dhang Say Nafrat Bhi Nahi Ki

Aadab -e- Safar Ab Wo Seekhatay Hain Jinho Nay

Do Chaar Qadam Tay Ye Musafat Bhi Nahi Ki

Kia Apni Safaii Main Bayaan Detay Keh Hum Nay

Na Karda Gunahi Ki Wazahat Bhi Nahi Ki

Khamosh Tamashaii Kay Manind Sar -e- Bazam

So Zakham Sahay Dil Pay, Shikayat Bhi Nahi Ki

Us Ghar Kay Sab Hi Log Mujhay Chornay Aaye

Dehleez Talak Us Nay Ye Zehmat Bhi Nahi Ki

Us Nay Bhi Gulamon Ki Safa'on Main Humay Rakha

Is DIL Pay Kabhi Jis Nay Hakomat Bhi Nahi Ki

Merey aasmaan k haath mein bas aik chaand tha aas ka...

Mein kai ruton sey hoon dekhta keh tamaam rang hein bujhey huwey

Ye ab ke khizaan ko kya huwa kiun meri nigah mein thehar gai

Mein kya bataaon ke ab ki baar chaman ki haalat ajeeb thi

Har phool maatam-sara mila meri jahan jahan bhi nazar gai

Ye kon jaaney ke kya huwa mein dhoond dhoond ke thak gaya

Ke wo jo aek titli thi baagh mein najane woh bhi kidhar gai

Abhi hey zara wo asar jisey meri zaat ney pooja kabhi magar

Wo junoon to kab ka khatam huwa wo soorat to dil sey utar gai

Mujhey kis jurm ki saza mili ke meri rooh tak hey thaki hui

Mein apni jaga sey hilaa nahi meri saans phir bhi ukharr gai

Ye chiraagh-e-jaan bhi ajeeb hey ke jala huwa hey abhi talak

Teri bewafaai ki aandhiyaan to kabhi ki aa ke guzar gai

Merey aasmaan k haath mein bas aik chaand tha aas ka

Usey baadlon ney nigal liya to meri kainaat hi ujarr gai...!!!

us haath ka tohfa tha ik daagh meray dil par...

apni he rawani men behta nazar aata hai

yeh shehar bulandi say darya nazar aata hai

deta hai koi apnay daaman ki hawa isko

shola sa meray dil men jalta nazar aata hai

us haath ka tohfa tha ik daagh meray dil par

wo daagh bhi ab lekin jata nazar aata hai

aankhon kay muqabil hai kesa yeh ajab manzar

sehra to nhi hai lekin sehra nazar aata hai

ik shakal see banti hai her shab meri neendon men

ik phool sa khavabon men khilta nazar aata hai

aankhon nay nhi dekhi us jism ki ranaaee

yeh chaar taraf jis ka saya nazar aata hai

darya ko kinaray say kaya dekhtay rehtay ho

ander say kabhi dekho kesa nazar aata hai

phir zau men nadeem apni kuch kum hai sitara woh

yeh raat ka aaina dhundla nazar aata hai

Main kisi lamha-e-maqbool main maangoon ga tumhain...

Dhoop main chhaaon, andheray main diya ho jana

Kitna mushkil hai kisi dukh ki dawa ho jana

Main kisi lamha-e-maqbool main maangoon ga tumhain

Tum bhi us lamhay masroof-e-dua ho jana

Aisa lagta hai ta’aluq nahi toota tujh say

Zakhm-e-dil ka teray dekhay say hara ho jana

Kabhi jub dhoop ki shiddat nay safar rok diya

Yaad aaya teray gaisoo ka ghata ho jana

ab koo-e-malamat say guzarna hai mujhay

Tum kisi morr per chaho to juda ho jana

Sab Say Chupa Ker Dard Jo Woh Muskura Dia .....

Sab Say Chupa Ker Dard Jo Woh Muskura Dia

Is Ki Hasni Nay Aaj Tu Mujh Ko Rula Dia

Lehjay Say Uth Raha Tha Har Ak Dard Ka Dhuwa

Chehra Bata Raha Tha Keh Kuch Ganwah Dia

Aawaz Main Therao Tha Aankhon Main Nami Thi

Or Keh Raha Tha Main Nay Sab Kuch Bhula Dia

Janay Kia Us Ko logon Say Shikayat Thi

Tanhaiyon Kay Dees Main Khud Ko Basa Liya

Koo-Ba-Koo Phail Gaii Baat Shana-saii Ki .....

Koo-Ba-Koo Phail Gaii Baat Shana-saii Ki

Us Nay Khushboo Ki Terah Meri Pazi-raii Ki

Kesay Keh Doon Keh Mujhay Chorr Dia Hay Us Nay

Baat Tu Sach Hay, Mager Baat Hay Ruswaii Ki

Wo Kahi Bhi Gia, Louta Tu Meray Pass Aaya

Bas, Yahi Baat Hay Achi Meray Har-jaii Ki

Tera Pehloo Teray Dil Ki Tarah Aabad Rahay

Tujh Pay Guzray Na Qyamat Shab -e- Tanhaii Ki

Us Nay Jalti Hoii Paishani Pay Jab Haath Rakha

Roh Tak Aa Gaii Taseer Masehaii Ki

Ab Bhi Barsat Kay Rutton Main Badan Toot-ta Hay

Jaag Uthti Hain Ajab Khowahishay Angraii Ki

[ Parveen Shaker ]

Koi din ger zindgani aur hai...

Koi din ger zindgani aur hai

Apne jee main hamne thaani aur hai.

Aatishe dokhaj main ye germi kahan

Soze-gam-haye-nihani aur hai.

Baarha dekhi hai unki ranjishen

Per abke sargarni aur hai.

Deke khat, mooh dekhta hai nama ber

Kuch to paigaame jubani aur hai.

Ho chuki 'Ghalib' balayen sab tamaam

Ek merge - naaghaani aur hai.

Aatay Ho Jab Khayal Main, Jatay Nahi Khayal Se

Aankhon Main Baaqi Reh Gaye, Ab Teray Khad-o-Khaal Se

Lub Pe Hain Kuch Sawal Se, Dil Main Hain Kuch Malaal Se

Tu Jo Gaya To Yuun Laga, Tanha Hoon Kainaat Main

Raatain Thaki Thaki Meri, Din Bhi Meray Nidhaal Se

Itne Qareeb Hoon Teray, Rasta Na Wehem Ko Milay

So'un Teray Hisaar Main, Jagoon Teray Jamal Se

Mujh Ko Hain Kaam Aur Bhi, Kuch To Karo Mera Khayal

Aatay Ho Jab Khayal Main, Jatay Nahi Khayal Se

Tujh Si Hasee'n Ghazal Koi, Mujh Sa Ghazal Sara Koi

Dunia Main Ho Ager Kaheen, Waazeh Karo Misaal Se...

Uss Se Gila Ay Dosto, Itna Sa Hai Ke Wo Mujhe

Samjha Nahi Hai Aaj Tak, Ghaafil Hai Meray Haal Se...!!!!

Zakhmon se Gosha-E-Dil-e-Veera'n Sja lia,

Zakhmon se Gosha-E-Dil-e-Veera'n Sja lia,

Hm ne Khizan mein Jshn-E-Baharan Mna lia..

Soraj ki Chaal chl k Bayaban ki Dhoop ne,

Ek Be-Kafn Darakht ka Saya Chura lia..

Barbadiyon ki Rat meri Bebasi tu Dekh,

Girte hue Makaan ne mera Aasra lia..

Yaron ka Zikr kia? K Wfa ki Talash mein,

Hm ne tu Dushmano ko b Apna Bna lia..

Aahat suni Hwa ki tu MOHSIN ne Khoaf se,

Jalta hua Dia Tah-E-Daaman Chupa lia...

Zakhmon se Gosha-E-Dil-e-Veera'n Sja lia,

Zakhmon se Gosha-E-Dil-e-Veera'n Sja lia,

Hm ne Khizan mein Jshn-E-Baharan Mna lia..

Soraj ki Chaal chl k Bayaban ki Dhoop ne,

Ek Be-Kafn Darakht ka Saya Chura lia..

Barbadiyon ki Rat meri Bebasi tu Dekh,

Girte hue Makaan ne mera Aasra lia..

Yaron ka Zikr kia? K Wfa ki Talash mein,

Hm ne tu Dushmano ko b Apna Bna lia..

Aahat suni Hwa ki tu MOHSIN ne Khoaf se,

Jalta hua Dia Tah-E-Daaman Chupa lia...

!!!! Abhi Dastak Mut Deina !!!!

bohat tootey huway hain hum

abhi dastak mut deina

abhi ankh hai pur nam

abhi dastak mut deina

mere yaar abhi kuch din mere ahwaal na pocho

abhi dil me hain kai gham

abhi dastak mut deina

shab e tanhai mein tarapna hai bohat mujhko

abhi hai dard kuch madham abhi dastak mut deina

Fursat...

Milay gham se apne fursat to sunaon vo fasana

K tapak pare nazar se may-e-ishrat-e-shabana

Yahi zindagi musiibat yahi zindagi musarrat

Yahi zindagi haqiqat yahi zindagi fasana

Kabhi dard ki tamanna kabhi koshish-e-madava

Kabhi bijliyon ki Khawhish kabhi fiqr-e-aashiyana

Mere kehkahon k zad par kabhi gardishain jahan ki

Mere ansuon ki rau main kabhi talkhi-e-zamana

Kabhi main hun tujhse naala kabhi mujhse tu pareshan

Kabhi main tera hadaf hun kabhi tu mera nishana

Jise paa saka na zahid jise chuu saka na sufi

Vahi teer chairta hai mera soz-e-shayarana

Bhatuk rahay hain hum...

beray nazuk doar say guzer rahay hain hum

sukon ki talash main awara bhutuk rahey hain hum

zindagi main chahey khosyan hon ya ghum

moat say humkinar hon,khyal yeh jhutuk rahey hain hum

apnay fislon kay khoklay pun ka ahsas hey

sans a rahi hey phir, qun daar per lutuk rahey hain hum

azmaish ki ghari ka taluk kya naseeb say

manzil na mil saki gur,ab khutuk rahey hain hum

koocha koocha kurya kurya...

koocha koocha kurya kurya tugh ko dhondtay hi rahay

sumander hay samnay phir bhi tashna hi rahay

agahi kay dur jo wa honay lagay

tu raha samnay phir bhi muchultay hi rahay

unwan na tha pur silsila chalta hi raha

faraib-e-tabbasum main hum behtay hi rahay

dunya main jo pul sirat par ki hum nay

teray kurb ki tamana mian turuptay hi rahay

Lay ja...

Wafa k khawb muhabbat ka aasra le ja

Agar chala hai to jo kuch mujhe diya le ja

Maqam-e-suud-o-ziyaan aa gaya hai phir jaana

Ye zakhm mere sahi teer tou utha le ja

Yahi hai qismat-e-sehra yahi karam tera

K boond boond ataa kar ghata ghata le ja

Gurur-e-dost se itna bhi dil shikasta na ho

Phir uth k samane daman-e-iltaja le ja

Nadamatain hon tou sar baar-e-dosh hota hai

'Faraz' jaan ke evaz aabru bacha le jaa

Ghum-e-Firaq Say Pehlay...

Ghum-e-Firaq Say Pehlay Shab-e-Visaal Kay Baad

Hai Aur Kya Jisay Dekhay Tery Jamal Kay Baad

Tamam Umar Kati Intizar May Apni

Koi Bhi Dukh Na Mila Phir Tery Malal Kay Baad

Jawab Mil Gaya Mujhey Teri Khamoshi Say

Tumhary Lafz Kyu Khoye Mery Sawal Kay Baad

Tumhary Mery Talauq Pay Yun Khiza Chali

Kabhi Urooj Nahi Hai Jisay Zawal Kay Baad

May Teri Yaad Kay Charchay Ko Dhaanp Do Laikin

Bachyga Kya Meri Jhooli May Is Kamal Kay Baad

Who Aab Ki Baar Mila Is Qadar Takaluf Say

Kay Kuch Bhi Na Poch Paya May Us Say Haal Kay Baad

Khaber na ho...

Woh Bhu'je Gharon Ka Chiragh Tha Yea Kabhi Kisi Ko Khaber Na Ho...!!

Ussey lay gaye Hay Kahan Hawa? Yea Kabhi Kisi Ko Khaber Na HO...!!

Kaye Log Jaan Say Jayein gay, meray Qaatiloon Ki Talash Mein...!!

Meray Qattil Mein Mera Haath Tha, Yea Kabhi Kisi Ko Khaber Na Ho..!!

Woh Tamaam Duniyaa kay Wastey Jo Muhabatoon Ki Misaal Tha..!!

Wohi Apnay Ghar Mein Tha Be-Wafa, Yea Kabhi Kisi Ko Khaber Na Ho..!!

Kahien Masjidoon Mein Shahda'tein Kahen Mandaroon Mein Ada'latein...!!

Yahan Kaun Karta Hay Faisala, Yea Kabhi Kisi Ko Khaber Na Ho..!!

Meray Paas Jitni Hay Roshni Yeahi Chiragh Ki Zindagi..!!

Mein Kahan Jalaa,Mein Kahan Bhujaa, Yea Kabhi Kisi Ko Khaber Na Ho..!!

Mujey Jaan Kar Koi Ajnabi Woh Dekha Rahey Hein Galii Galii...!!

Issi Shaher Mein Mera Ghar Bhi Tha, Yea Kabhi Kisi Ko Khaber Na Ho..!!

Woh Samaj K Dhoop K Dewataa Muje Aaj Poojney Aye Hein...!!

Mein Chiragh Hoon Teri Shaam Ka, Yea Kabhi Kisi Ko Khaber Na Hoo..!!

Kaisay...

Dil ShiKasta hOo'n kOii Geet Sunaao'n Kaisey ?

Meer e Mehfil Hii Nahii, Bazam SajaaO'n Kaisey ?

Apni PehChaan tO Halaat Mai Khho Baitha hoO'n

Be-NiShaa'n hO Key Teray Saamney Aao'n Kaisey?

Behtey Paani Kii Trah mUjh Ko Rawa'n Rehna hAi

Apni Fitrat Key TaQazO'n Ko BhulaaO'n Kaisey ?

mUjh Ko Socho'n Kii Aseerii Sey Rehaii Na Millii

Teri Aawaaz Mein Aawaaz MillaaO'n Kaisey ?

Main tO KhUd TeerGi e Shab Ka mUsafir thhehra

kOii Shama Teri RaahO'n Mein jAlaaOn Kaisey ?

Dil Key Veraaney Mein kyuO'n mUjh Ko Sada Daitey hO

Main Gya WaQt hOo'n Ab Loat Key Aao'n Kaisey ?

Ghar Key jAlney Ka Sabab POoch Rhey hO "Aasim"

Dill k jalne Kii SharOoaat BataaO'n Kaisey ?

Nahi Aya...

Koi lamha bhi kabhi laut kar nahee aaya

Woh shaks aisa gaya phir nazar nahee aaya

Wafa ke dasht mein raasta nahee mila koi

Siwayye gard-e-safar humsafar nahee aaya

Kisi chiraag ne poochi nahee khabbar meri

Koi bhi phool mere naam per nahee aaya

Pallat ker aane lagay shaam ke parinday bhi

Hamara subha ka bhoola magar nahee aaya

Humein yakeen hai Amjad woh wada khilaaf

Yeh umer kaise kategi agar nahee aaya ...

Justajuu

justajuu jis kii thii us ko to na paayaa ham ne

is bahaane se magar dekh lii duniyaa ham ne

tujh ko rusavaa na kiyaa Khud bhii pashemaa.N na huye

ishq kii rasm ko is tarah nibhaayaa ham ne

kab milii thii kahaa.N bichha.Dii thii hame.n yaad nahii.n

zindagii tujh ko to bas Khvaab me.n dekhaa ham ne

ai 'Ada' aur sunaaye bhii to kyaa haal apanaa

umr kaa lambaa safar tay kiyaa tanhaa ham ne

Dil Main Bas Yeh Malaal Hai...

Terey Bin Katti Meri Zindagi Merey Dil Main Bas Yeh Malaal Hai

Mujhay Chahata Hai Tu Ab Bhi Kia Merey Lab Pay Bas Yeh Sawal Hai

Tu Hai Is Taraf, Tu Hai Us Taraf, Tu Hai Khud Zameen, Tu Hai Aasmaan

Tu Hai Noor Tujh Say Hai Rooshni, Tu Hi Rang Hai, Tu Jamaal Hai

Mujhay Gham Baray Hi Aziz Hain Merey Sath Thay Merey Sath Hain

Meri Aarzoo Main Nahin Khushi Woh Khayal Thay Woh Khayal Hain

Na Raqeeb Hai, Na Habib Hai, Na Hai Dil Main Gham, Na Hai Aankh Nam

Yeh Hai Dour Kia, Yeh Diyaar Kia, Jahan Hijar Hai, Na Wisaal Hai

Tu Hai Door Dil Say Bata Kahan, Tujhay Dhoondna Kia Yahan Wahan

Terey Hijar Main Hai Maza Alaag, Teri Aazoo Hi Kamaal Hai

Koi Kion Kisi Ka Ho Hum Safar, Kisi Ko Kisi Ki Ho Kion Khabar

Yahan Fiqar Sab Ki Judda Judda, Yahan Sab Ko Apna Khayaal Hai...

Mera Saya...

Kabhi Aans0o kAbhi kHusHb0o kAbhi Naghma bAn kAr

Hum Se hAr sHaAm MiLi tEra cHeHra bAn kAr

cHaNd Nikla hai tEri Aankh k AansOo ki taRah

Ph0ol mEhkay hAin tEri Zulf Ka Saya bAn kAr

mEri jAagi Hui Raaton ko Usi ki Hai taLasH

sO rAha hai mEri Aankhon mAin j0 sApna bAn kAr

DiL k Kaaghaz pEr utArta Hai Tu Sheron Ki Tarah

mEre Honton Pe mAcHaLta hai Tu Naghma bAn kAr

Raat Bhi Aaye t0 Bujhti Nahin cHeHrey ki cHamAk

Rooh mEin Phail Gaya Hai Woh ujAala bAn kAr

mEra Kya HaaL Hai yEh Aa k Kabhi Dekh To Ley

jEe rAha Ho0n tEra BhooLa Hua vaAda bAn kAr

DhUup mEin Kho gAya w0h hAath cHhura kAr

gHar Se j0 sAath cHala tHa mEra Saya bAn kAr

Mohabbat hai ...

Chand ko sitaron se aur mujhe tum se Mohabbat hai

Phoolon ko baharon se aur mujhe tum se Mohabbat hai

Mehfil main jo milna nighahein jhuka lena

koi samjh na paye ke mujhe tum se Mohabbat hai

Ab tere hijr main bus ek kaam hai Aasman takna

Tum sitaron pe likh dena mujhe tum se Mohabbat hai

Hai hamain ehsas tum ko bhi hum se Pyaar hai lekin

Yeh mere ru - ba - ru kehna mujhe tum se Mohabbat hai

Deikha....

Rukh-E-Shabab se Aanchal Jo Sirakta Deikha,

Chaand Aakash K Jhurrmat Se Nikaltaa Deikha,

Mujh Ko Mehsoos Hua Dard-E-Judai Kya Hai,

Main Ne Ik Phool Ko Tehni Se Bikhartaa Deikha,

Zindagi Kya Hai Meray Dost Zara Mujh Se Poochh,

Main Ne Gulshan Ko Baharo'n Mein Ujhartaa Deikha.

Manzilen kyaa hain raastaa kyaa hai,

Manzilen kyaa hain raastaa kyaa hai,

hauslaa ho to faaslaa kyaa hai.

Woh sazaa deke door jaa baithaa,

kis se poochoon mirii khataa kyaa hai.

Jab bhii chahegaa chiin legaa woh,

sab usii kaa hai aapkaa kyaa hai.

Tum humaare qariib baithe ho,

ab dawaa kaisii ab duaa kyaa hai.

Chaandnii aaj kis liye nam hai,

Chaand kii aankh mein chubhaa kyaa hai.

kaesa lagega?

Ban jaoon agar Tum sa, kaesa lagega?

Her Pal rahoon Tum se Khafa, kesa lagega?

Parhte ho Mujhe Tum Namazon ki tarah se

Ho jaoon agar Tum se Qaza, Kesa lagega?

Tum Pyar mai khood ko mitaane per ho Raazi

Ban jaye agar Pyar Saza, Kesa lagega?

Khud se b ziada ho Yaqeen Tum ko kisi per

Wo Shakhs hi de jaye Daga, Kesa lagega?

Tum auron ki Mehfil mai Diya ban k jalo

Aur Tanhai mile Tum ko To phir, Kesa lagega?

ban jaoon agar Tum sa, kesa lagega?

Her Pal rahoon Tum se Khafa, kesa lagega?

Parhte ho Mujhe Tum Namazon ki tarah se

Ho jaoon agar Tum se Qaza, Kesa lagega?

Tum Pyar mai khood ko mitaane per ho Raazi

Ban jaye agar Pyar Saza, Kesa lagega?

Teri Aahat Par...

Zakhm Muskurate hain Ab Bhi Teri Aahat Par

Dard Bhool Jate hain Ab Bhi Teri Aahat Per

Shabnami Sitaroon Per Phool Khilne Lagte hain

Chand Muskurate hain Ab Bhi Teri Aahat Per

Umar Kat Di Lakin Bachpana Nai Jata

Hum Diye Jalate hain Ab Bhi Teri Aahat Per

Teri Yaad Aaye To Neend Jati Rahti Hai

Hum Khushi Manate hain Ab Bhi Teri Aahat Per

Ab Bhi Teri Aahat Per Chand Muskurata Hai

Khwab Gungunate hain Ab Bhi Teri Aahat Per

Tere Hijr Me Hum Per Ik Aazab Taari hai

Chonk Chonk Jate hain Ab Bhi Teri Aahat Per

Ab Bhi Teri Aahat Per Aass Lout Aati Hai

Ashq Hum Bahate hain Ab Bhi Teri Aahat Per.

Shab-e-hijran ki aziyat ki khabar kis ko hay???

Shab-e-hijran ki aziyat ki khabar kis ko hay

Mery gumnaam Muhabbat ki khabbar kis ko hay

Kis ko ahsaas meray shidat-e-jazbat ka hay

Meray Halaat mery Wahshat ki khabar kis ko hay

Main nay chup chaap Muhabbat kay sitam jheelay han

Mery ais darjah sharaafat ki khabar kis ko hay

Qalam Torr Dia

Us Nay Aashufta Mizaji Ko Naya Morr Dia

Mujh Ko Pa-Ba-Zanjeer Kia Or Chorr Dia

Us Nay Aanchal Say Nikali Meray Gum-Gushta Kitaab

Or Chupkay Say Mohabbat Ka Waraq Morr Dia

Ham Ko Maloom Tha Anjaam -e- Mohabbat Ham Nay

Aakhri Hurf Say Pehlay He Qalam Torr Dia

Chalo Choro.....

Kabhi kuch baat kehdena or kehna chalo chhoro

Kabhi kuch kehte - kehte keh dena chalo chhoro

Yeh ada'ain tumhari khaas lagti hain na janay kyun

Kabhi socha k keh dalun kabhi socha chalo chhoro

Jatana bhi nahi aata keh yeh tumse kaisa rishta hai

Tumharay sath chalta main, phir socha chalo chhoro

Meri beqarari ka aalam kya hai kise jakar bataun main

Tha ye socha tumko bataunga phir socha chalo chhoro

Kha'hish hai yeh meri tumhain jee bhar kar daikun main

Tumhari tasweer banata main, phir socha chalo chhoro

Jo tum rooth jao gee to ghazal keh kar mana lunga

Aisay jo manaoon to kehti ho achchha chalo chhoro

Rahe gi ummeed jab tak yeh hamaray eik honay ki

Dar hai tum keh na do ummeed ko chalo chhoro......