Koo-Ba-Koo Phail Gaii Baat Shana-saii Ki
Us Nay Khushboo Ki Terah Meri Pazi-raii Ki
Kesay Keh Doon Keh Mujhay Chorr Dia Hay Us Nay
Baat Tu Sach Hay, Mager Baat Hay Ruswaii Ki
Wo Kahi Bhi Gia, Louta Tu Meray Pass Aaya
Bas, Yahi Baat Hay Achi Meray Har-jaii Ki
Tera Pehloo Teray Dil Ki Tarah Aabad Rahay
Tujh Pay Guzray Na Qyamat Shab -e- Tanhaii Ki
Us Nay Jalti Hoii Paishani Pay Jab Haath Rakha
Roh Tak Aa Gaii Taseer Masehaii Ki
Ab Bhi Barsat Kay Rutton Main Badan Toot-ta Hay
Jaag Uthti Hain Ajab Khowahishay Angraii Ki
[ Parveen Shaker ]
