Aj Phir Sey Teray Dayaar Main Hoon
Yani Phir Teray Ikhtiyaar Main Hoon
Us Kahani Ka Yeh Huwa Anjaam
Aaj Main Dasht-e-Be-Kinaar Main Hoon
Koi Rasta Dekhayi Deta Nahi
Dhund Kaisi Hai Kis Ghubaar Main Hoon
Aaj Kal Kis Pay Hai Nazar-e-Karam
Main To Waisay Bhi Kis Shumaar Main Hoon
Hosh Kaisay Rahay Ga Dil Ko Tera
Main Teray Dard Kay Khumaar Main Hoon
Ek Dunyaa Hai Meray Dar Pay MONIS
Aur Main Teray Intizaar Main Hoon
