dard ki harr ik hadd se ab guzar gaya hoo'n main
phir kabhi na simtunga you'n bikhar gaya hoo'n main
maut bas nahee'n aati rooh k nikalne se
sans mujh main baqi hai phir bhi mer gaya hoo'n main
zindagi mai jitni bhi roshni thi uss se thii
mustaqil andhero'n mai abb utar gaya hoo'n main
baam o darr bhi uske baad ho gaye hain you'n khamosh
aur dil ulajhta hai jabb bhi ghar gaya hoo'n main
uska sath jab tak tha rung rung mausam thay
bas khiza'n k mausam mai ab thhehar gaya hoo'n main
