jal bhi chukay parvanay ho bhi chukii rusvaai
ab Khaak urraaney ko baiThey hain tamaashai
taaron ki ziyaa dil men ik aag lagati hai
aaraam sey raaton ko sotey nahin saudaai
raaton ki udaasi men Khaamosh hai dil meraa
behis hain tamannaayen niind aaii keh maut aaii
ab dil ko kisii karwaT aaraam nahin milta
ik umr ka rona hai do din kii shanasai
ik shaam woh aaye they ik raat farozaaN thi
woh shaam nahin lauTii woh raat nahin aaii
