BheeR hai bar'sar e bazaar kahein aur chalain
Aa merey dil merey gham'khuwaar kahein aur chalain
Koi khiRki nahi khulti kisi baagheechay mein
Sans lena bhi hai dushwaar kahein aur chalain
Tu bhi maghmoon hai mein bhi hoon bhout afsurda
Dono is dukh say hain do'chaar kahein aur chalain
Dhondtay hain koi sar'sabz khushada si fiza
Waq't ki dund kr us paar kahein aur chalain
Ye ju phoolon say bhara shehar howa karta tha
Is ke manzer hain dil'azaar kahein aur chalain
Aisay hangama e mehsher mein tu damm ghutta hai
Baaatain kuch karni hain is baar kahein aur chalain
Aitebaar Sajid
