Aawaaz de rahi hai ye kis ki nazar mujhe?
Shayed mile kinara wahin doob kar mujhe
Chaha Tujhe to khud se Mohabbat si ho gaii
Khone ke baad mil gaii apni khabar mujhe
Har har qadam pe saath hoon saya hoon main tera
Ay be'wafa! dikha to zara bhool kar mujhe
Dunya ko bhool kar teri dunya main aa gaya
Le jaa raha hai kaun idhar se udhar mujhe?
Dunya ka har nazara nigahon se cheen le
Kuch dekhna nahi hai tujhe dekh kar mujhe
