terey ik derd aagey gham , yun sarey chhoot jatey hain
k suraj jab ubherta hay , to taarey chhoot jatey hain
keho ! rah-e- mohabbat main kadry qeemat b hay koi
kaha , iss mohabbat main piyarey chhoot jatey hain
takeed-e-zabt se pehley kabhi tum yeh b socho to
k kion yeh hosley humarey akser chhoot jatey hain
phir uss k baad katib ne faqat likha " judayee " or
yun hathon se merey , yeh hath tumharey chhoot jatey hain
ik toota shakh ka ptta bary hasrat se kehta hay
k safr-e-zeesat main akhir saharey chhoot jatey hain
aseer-e ishq hum thehrey , humain fiker-e-jahan hi kia
gham-e-janan main to sood-o-khasarey chhoot jatey hain
mery sehranawerdi main hr shab berpa hay toofan-e-Ashk
k aankhain phhoot ti hain or kinarey chhoot jatey hain
