kuchh is adaa se milte ho janaa'N kabhii kabhii
kaaNTe bhii lagane lagate hai'n kaliyaa'N kabhii kabhii
shaayad ke naa Khudaa ko bhii logo Khabar na thii
ruKh apnaa morh leta hai tuufaa'N kabhii kabhii
kuchh yuu'N lagaa k husn sitaaro'n mai ghir gayaa
dekhii jo un kii maa.Ng mai afshaa'N kabhii kabhii
dil par lagii jo chauT to jii bhar ke ro liye
yuu'N bhii kiyaa hai dard kaa daramaa'N kabhii kabhii
naadaa'N ho is qadar tumhe ye bhii Khabar nahii'n
chaltaa hai masalehat se bhii insaa'N kabhii kabhii
tum un ko kyaa kahoge jo jhuuThii anaa ke saath
dekhe gaye libaas mai uriyaa'N kabhii kabhii
iisaar mai vafaa mai aqiidat mai pyaar mai
'Ejaz' vo lagaa hai numaayaa'N kabhii kabhii
